தமிழும் ஆங்கிலமும் – கல்வியின் இரு கண்கள்!
தாய்மொழி மரபு | ஆங்கிலம் உலகத்தோடு இணைப்பு – இரண்டுக்கும் இடம் வேண்டும்!
இன்றைய உலகில் ஆங்கிலம் ஒரு சர்வதேச மொழி என்ற நிலையைப் பெற்றிருக்கிறது. தொழில், அறிவியல், மருத்துவம், கணினி போன்ற அனைத்து துறைகளிலும் ஆங்கிலத்தின் ஆதிக்கம் மிகுந்தது. அதனால், ஆங்கிலம் கற்றல் என்பது காலத்தால் விதிக்கப்படும் அவசியம். ஆனால், இதன் பொருட்டு தாய்மொழியாம் தமிழை புறக்கணிப்பது என்பது தாய்ப்பாலை மறப்பதற்குச் சமமான பிழை என்பதை உணர்வது அவசியகும்.
🎓 சர்வதேச பாடசாலைகள் – தமிழ்மொழிக்கு இடமில்லையா?
சில சர்வதேச பாடசாலைகள் அல்லது பிரபல தனியார் பாடசாலைகளில், தமிழ்மொழி பேசும் மாணவர்களுக்கு கூட தண்டனை வழங்கப்படுவது கவலையை ஏற்படுத்தும் ஒரு விடயமாகும். “Speak in English only” என்ற அறிவிப்புகள், மாணவர்களின் தாய்மொழிப் பாவனைக்கு தடையாகவே அமைகின்றன.
